كود – وكالات//

بدل مزارع شكل الحدود بين بلادو بلجيكا وفرنسا، من بعد ما حيد حجرة كبيرة من بلاصتها كانت محطوطة فالحدود بين البلدين، الشي اللي خلا حدود البلاد المرسمة وفق معاهدة دولية عائدة للعام 1820 تتغير.

وقال رئيس بلدية منطقة إركلين اللي كيسكن فيها المزارع أنه بغا يبدل بلاصة الحجرة باش يوسع أرضو، لكنه ماتوقعش ان داك الحجرة كانت محددة جغرافيا وسهال يبان انها تحركات من بلاصتها.

وكحزات الحجرة من بلاصتها بجوج متر و20 سنتيم، وتكتشف هذشي هذي شهرين من طرف فرانساويين مهتمين بالمعالم الحدود بين فرانسا وبلجيكا.

وفهذ الحجرة مكتوب رقم 1819، السنة اللي تصاوبات فيها، وحرف F اللي كيعني فرنسا، وN أي هولندا، بعدما كانت هذ الأرض تابعة للعرش الهولاندي فالقرن 19.