كود الرباط ////
قرر المكتب المسير ديال الرجاء لكيترأسو سعيد حسبان، الغير مرغوب فيه من قبل الجماهير، افتح باب الانخراط للموسم الرياضي المقبل.
حسبان قرر اجمع شوية ديال لفلوس من الانخراط، وزاد في الثمن من 10 آلاف درهم، ل 20 آلف درهم، مع العلم أن هاد الثمن الأخير هو لكان داير بودريقة.
المكتب المسير للرجاء كيعاني من أزمة مالية خانقة، وقرر افتح باب الانخراط مبكرا باش ادبر على شوية ديال لفلوس قبل بداية الدوري الاحترافي، باش القى ميصرف.
والمنخرطين الجدد وخا غادي انخارطو معندهمش الحق باش اصوتو في الجمع العام المقبل، لان القانون كيفرض عليهم اكونو منخارطين ستة أشهر على الأقل باش اصوتو واعطيو الآراء ديالهم في الجمع العام.
