جنايات فاس فرقات 30 عام ديال السجن فجلسة وحدا على متهمين بـ”السرقات الموصوفة”
كود احمد الطيب ///
الامانة العامة لحزب العدالة والتنمية طاحت فموقف محرج بزاف. بغاو يمارسو ضغط كبير على عبد الاله بنكيران رئيس الحكومة السابق والامين العام السابق. هاد الناس اللي فالامانة العامة حصلو ومحتاجين ليه يبيض ليهم حصيلتهم. نفس الامانة العامة اللي ما عمرها احترمات بنكيران او تسوقات ليه وفيها ناس ضربوه وطعنوه٬ جايين اليوم رافضين حتى قرارو عدم الترشح
وفق مصادر مقربة من رئيس الحكومة السابق ل”كود” فقرار عدم الترشح نهائي ما فيه لا تراجع لا والو. نفس المصادر استغربت فتصريحها ل”كود” من هاد الالحاح اللي ما عندو معنى.
وكانت لجنة فاللول ختارت بنكيران وكيلا للائحة في سلا. هنا واخا هو رافض الترشح تقبلها٬ لكن باش اليوم الأمانة العامة للمصباح كترفض اعتذارو ما فهمتش وفق مصادر مقربة منو٬ تصرفها
حسب ما علمته “كود” من المتوقع يدير شي خرجة يشرح فيها قرارو.
بنكيران كان قرر وفق ما نقلته “كود” قبل اسبوع ما عمرو يترشح للانتخابات التشريعية وما عمرو يقبل شي منصب وزاري. باغي يخدم بلادو بعيد على هاد المناصب