كود كازا //

جمهور الوداد البيضاوي استولى على متجر في مدينة وجدة البارح الأربعاء بعد الماتش لي جمع مولودية وجدة والوداد البيضاوي بالملعب الشرفي ف وجدة برسم الدورة الرابعة من منافسات البطولة.
الكاميرا ديال المتجر رصدت اقتحام مشجعين وداديين محل تجاري، وسرقوا مواد غذائية بعد تهديد مول المحل.

فيديو السطو انتشر على نطاق واسع في مختلف وسائل التواصل الاجتماعي وبان فيه أن هاد الجمهور بعيد كل البعد باش يكون حضاري أو إنساني.

بزاف ديال رواد التواصل الاجتماعي استغربوا هاد السلوك المشين، لي صدر من جمهور معروف عليه كيعشق الوداد وفي ما مشى كيتبعها باش يشجع ويناصر وداد الأمة.

السلطات الأمنية في وجدة فتحت تحقيق باش تلاحق المخربين وتقديمهم للعدالة.