26/04/2024 11:00
واش يقدرو يديروها؟ ها العقوبة اللي كتسنا الجزائريين إذا ما لعبوش اتحاد العاصمة ماتش الروتور مع بركان وتقدر توصل حتى للمنتخب الجزائري
عفراء علوي محمدي- كود//
“نسويات المغرب” كاعيين بسبب متابعة الصحافي عمر الراضي فحالة اعتقال بتهم هتك العرض بالعنف والاغتصاب، على اعتبار أن فهذشي “استغلال العنف ضد النساء لأعراض سياسية أو أمنية”.
وشافو الفيمينيست، فبلاغ ليهم حصلات عليه “كود”، أن التزام الصمت فقضايا بحال هذي كيعني “المخاطرة بعدم سماع كلمة النساء وأن لا يتم تصديقهن بعد الآن… كما يعني التغاضي عن أجسادنا ونضالنا”، وأكدو ان المعركة فهذ الإطار هي ضد الهيمنة والظلم وعدم المساواة.
واستنتجي هذشي بعدما شافو الاتهامات اللي واجهات الراضي فهذ الأشهر الأخيرة وفكل مرة، واللي بعيدة كل البعد عن تهمة الاغتصاب، وهي اتهامو بإهانة القضاء واللي خدا عليها ابتدائيا 4 اشهر دالحبس الموقف التنفيذ، وحملات تشهير اللي طالتوبعدما خرجو تقارير كتثبت التجسس على تيليفونو، واتهامو بمس سلامة الدولة وتلقي أموال أجنبية، والسكر العلنيوالعنف بعد مشادات ليه مع مصور موقع إعلامي، حتى وصلو استدعاء يوم 27 يوليوز حول قضية الاغتصاب وتشد عليها لبارح.
