كود كازا ت ايس برس ////
عبر الاسباني غاريدو على الفرحة ديالو بالمستوى للعب بيه الرجاء الماتش ضد أولمبيك دشيرة، فرقة من القسم الثاني للدوري الاحترافي، برسم كأس العرش.
غاريدو في الندوة الصحافية قال للصحافيين أنه مرتاح للعرض لقدموه اللاعبين، وخا مربحوش الماتش، والمهمة ديالهم ولات صعيبة شوية لأن الماتش ديال الروتور غادي اكون بأكادير.
ورغم أن الرجاء لعبوا ماش ضعيف، وحتى لعاب مبان بمستوى مزيان، ولكن غاريدو عندو شوفتو بوحدو، وبان ليه اللاعبين ديالو كانوا في المستوى.
وزاد كخلها المدرب الاسباني مني قال اللاعبين ديال الدشيرة كانوا واجدين بدينا، وهما الماتش كامل هوما كيطيحو بسباب التشنجات العضلية والعياء.
كيبان أن غاريدو كان حاضر وغايب في الماتش من خلال التصريحات، وربما عندو مشاكل مع بعض اللاعبين، لأنه فضل العب بلاعبين احتياطيين وخلى بزاف ديال اللاعبين الرسميين في البون دوتوش.
