27/04/2024 01:00
ممثل تركي مشهور شرا مدرسة وريبها.. نتاقم من المعلمين لي كانو كيضربوه ملي كان صغير
كود اسماء غربي ////
هاد العنزي اللي سميتو مصعب ما عرفناش شكون صلطو علينا. علاش باغي يجرنا ويدخلنا لتخلف المشرق فقضية لحيس الكابة للرؤساء والملوك والامراء. هادي 19 لعام قطع معاها الملك محمد السادس وسالينا من ترهيب الفنانين اللي كان فعهد الحسن الثاني باش يديرو اغاني كانو كيكذبو علينا باش يسميوها وطنية وهي اغاني تقديسية للملك الراحل.
ها العنزي دار تخربيقة جديدة بعد تخربيقة العام اللي فات. سماها “شمس الحضارات” ودارها اغنية لمحمد السادس فذكرى عيد العرش. نفس الشخص كتب كلماتها وانتجها. هاد الشي اللي كتب فجنيريك الاغنية.
كلمات خايبة حالتها. “قد اشرقت شمس الحضارات العظام” بهادي بدات كلمات الاغنية. غير من هادي يبان العربون. هاديك “سادس بين الملوك اذ بدا” واخا زادها “يبني التقدم” راها كتبين ضعف خيال هاد الكاتب بالاضافة الى فقر معجمه. يعني حتى فالتحميس ولحيس الكابة ما فيدوش.
العنزي باش يبان واعر زعما جاب جوج ملحنين: رضوان الديري وعصام الشرايطي وفالاداء جاب من الكويت نبيل شعيل ومن المملكة العربية السعودية رابح قصر ومن قطر فهد الكبيسي ومن الاردن ديانا كرزون ومن البحرين احمد الجميري واحلام مم الامارات العربية المتحدة. هادو جابهم داك العنزي باش يشكرو ويمدحو الملك. شوفو كيفاش كتب هاد صاحبنا “من بلاد جئنا بالطرب كي نغني. كي نغني باسم اغلى مغرب. سيد ما بين فرسان العرب” باش يشرح سبب هاد الفنانين كلهم.
هادو كيغنيو بلا احساس بلا شعور. بحال ايلى جايينهم بزز يغنيو. هاديك التخربيقة مسجلينو فاستوديوهات فامريكا وبريطانيا ومصر ما كتقنع حد.
هاد السيد يعطي التيساع لهاد لحيس الكابة. كاليك سفير للاغنية المغربية. منين جاه هاد اللقب اولا وثانيا كيفاش سفير وهو كيدير هاد التخربيق. فين الفني فهاد العمل. لا اجتهاد لا ابداع لا ستة حمص.
