الرئيسية > كود سبور > بانون ل”كود”: هدفنا كأس العالم دابا وكنعتادر للجمهور المغربي وكنقول ليه راني ما راضيش على الطريقة اللي ضربت بيها البلانتي وهاد المجموعة =الاسود= راها نظيفة بزاف
07/12/2022 09:00 كود سبور

بانون ل”كود”: هدفنا كأس العالم دابا وكنعتادر للجمهور المغربي وكنقول ليه راني ما راضيش على الطريقة اللي ضربت بيها البلانتي وهاد المجموعة =الاسود= راها نظيفة بزاف

بانون ل”كود”: هدفنا كأس العالم دابا وكنعتادر للجمهور المغربي وكنقول ليه راني ما راضيش على الطريقة اللي ضربت بيها البلانتي وهاد المجموعة =الاسود= راها نظيفة بزاف

كود الدوحة ///

البارح 6 دجنبر 2022 بعد نهاية ماتش المغرب ضد الصبليون التاريخي كانت لوسائل الاعلام المعتمدة حوارات ف”زون ميكس” مع اللعابة. الصبليون خارجين مضيومين ما هدر معاهم حد. لمغاربة بعد ما نشطتو وفرحو وعطاو حوارات كثيرة لقنوات عندها حقوق بث ماتشات المونديال٬ وصلو للصحافيين المعتمدين فالفيفا.

كود سولات بدر بانون على فين غادي المنتخب. علي البيلانتي اللي ضيع. علي مورال الفرقة. ايجيو تسمعو اش قال. للاشارة هاد الحوار كلشي الاسئلة ديالو طرحاتها “كود” باستثناء سؤال سولو شي صحافي مشرقي.

“كود”: هادا يوم تاريخي ليكم. كيف كتعيشوه؟
بدر بانون: راه كثر من تاريخي. هاد الشي للي عشناه ما غاديش يتنسى لا لي ولا للشعب المغربي. جينا لهاد البطولة وكلنا ثقة فهاد المجموعة. بالروح الايجابية اللي عطانا وليد الركراكي بالدعم ديال الجامعة الملكية لكرة القدم غاديين مزيان. راه كنا مجندين. اليوم قدرنا نفرحو الجمهور المغربي ونفرحو عائلاتنا.

“كود”: باش جمعكم الركراكي قبل ما يبداو البيلانتيات اش قال ليكم؟
بانون: الحاجة الوحيدة اللي قال لينا الركراكي وديما كيقولها. سوا اليوم او قبل من هاد الماتش باش يجمعنا هو نصفيو النية. الحمد لله نيتنا صافية. هادي مجموعة نظيفة بزاف

“كود”: واش من بعد التأهل للربع؟
بانون: كأس العالم؟الطموح غادي ويتزاد. اليوم ما كان حتى حد يتصور غادي نكونو فربع النهاية. راه قدمنا مستوى كبير امام منتخبات عالمية. مستوانا لكبير خلا منتخبات بحال كرواتيا وبلجيكا واسبانيا ما نقولش عادية ولكن قدرنا نقدمو مستوى حسن منهم فهاد المونديال

كود: يعني الهدف دخلو للمغرب الكاس؟
بانون: هدفنا نتوجو بكأس العالم طبعا. نربحوه

كود: باش توصلو للهدف قدامكم البرتغال ويمكن فرنسا او بريطانيا فالنصف؟ 
بانون: حنا مركزين على الماتش ديال الربع٬ ولكن هدفنا نفوزو بكأس العالم

سؤال صحافي عربي =كيف جاك الجمهور؟
بانون: جماهير المنتخب المغربي ليهم دور كبير فالانجاز اللي نجزناه. كنتمنى نزيدو نفرحوهم ونتأهلو للنصف النهائي. عارفين جمهورنا شغوف بالكورة

كود : ما تقلقتيش باش زگلتي بيلانتي؟
بانون: كنعتاذز للجمهور المغربي على الطريقة اللي نفدت بيها البلانتي. ما عجباتنيش هادي بقى في الحال فيها. عارف اليوم لعابة كبار فالمنتخب الصبليوني زگلو بلانتيات

موضوعات أخرى

02/02/2023 12:15

افتتاح الموندياليطو بطنجة. لا بريطل لا مزند دارو شي حاجة. بجوجهم كومبارس فحفل افتتاح خدموه لفرانساويين ومعاهم شي طاليانيين

02/02/2023 11:44

كانو باغين الملك يعين الرئيس.. التويزي مسؤول فريق البام بمجلس النواب لـ”كود”: ها علاش سحبت الاغلبية مقترح تعديل قانون المجلس الوطني للصحافة والهدف الكبير هو تقوية رئاسة المجلس باش تكون بعيدة على التأثيرات والصراعات

02/02/2023 11:40

الشناوي حارس الأهلي: كنشكر المغرب والشعب المغربي على استقبالهم لنا والمغاربة كان عندهم دور كبير فتأهلنا للربع

02/02/2023 10:48

الغلوسي: كاين جامعات عندها اعتمادات مالية ضخمة وممعروفش فين كتصرف وكيفاش كتصرف