نجوى المالحي – كود//
يالله بردات القضية ديال الجوامع والخنز والعلمانية في المغرب لي دوات عليهم الشطاحة مايا، حتى ناضو ليها المنتقدين عاود فاش دوات على العيد الكبير لي قريب.
مايا هدرات في فيديو على النفاق الاجتماعي لي عايشين فيه بزاف ديال الناس لي كيتسلفو ويتكلفو باش يشريو الحولي في عيد الكبير، وقالت خاص الواحد يعلم ولادو من الصغر أن الحولي ماشي ضروري ويديرو نهار العيد طاجين ديال اللحم وصافي.
هاد الهضرة معجباتش بعض الناس لي أكدوا أن الأمر فريضة وناضو ليها بسبان عاود هاد اليوماين.
والبارح دارت ستوريز في انستكَرام قالت أن داكشي لي قالتو حرية فردية، ومن حقها تقول لي بغات وهي ماشي حيط قصير باش يبقاو حاضيينها.
وجا في هضرة مايا أنها كتحداهم يكون شي واحد من جيل الثمانينات او التسعينات باقي كيعيش أجواء العيد، وقالت أن أغلب الناس كييخرجو ويسافرو ويعيشو الحياة.
