كود الرباط//

افتتح الملك محمد السادس اليوم الدخول السياسي والتشريعي بالبرلمان.

كيف العادة ناس على برا نشاط وفرح بقدوم الملك للافتتاح.

ف الداخل دخلو الصحافيين لقاعة باش يتفرجو ف الخطاب وملي سالا كولشي خرج بلا ميتعاود داكشي لي كان كيوقع ديال تهريب الحلويات ديال القصر.

الملفت للنظر هو ان عدد من البرلمانيين مكانوش كيحضرو طيلة المدة التشريعية السابقة خصوصا لي ف البام والاستقلال، اليوم حضرو بحال فاطمة الزهراء المنصوري.

حميد شباط مجاش غبر، وتأكد انه مبقاش فالمغرب بذلك يكون الفريق الاستقلالي فقد مقعد برلماني.

الوزيرة جديدة نادية فتاح وزيرة السياحة والصناعة التقليدية.بانت انيقة وبدات تاخد بلاصتها وسط المؤسسة التشريعية، كانت مع مولاي حفيظ العلمي مبغاش تهضر للصحافة.

البرلماني لي تشد ف حالة غش ف امتحانات الباكالوريا، لي مع البي جي دي، شداتو كاميرا كود تعكلات ليه جلابة لي كيلبسو البرلمانيين لهاد المناسبة، تخلع وتخبا مور سكيريتي باش ميصوروهش الصحافيين.