عن الوكالات ///

رئيس الصين شين دجين بينگ دار تصريح غادي يخلع العالم كولو. انتشار الفيروس القاتل “كورونا” فهاد البلاد خربق كلشي. الرئيس بينگ قال فاجتماع حكومي ان الوضع في بلاده “خطير”. عبارة كافية تبين الوضع. دابا من نهار تعرف فمدينة ووهان٬ مات 41 شخص وتصاب 1300 وفق الحكومة. 

هاد الفيروس جا مع احتفالات الصينيين برأس السنة الجديدة. فترة كتعرف تحركات كبيرة للسكان. هاد الشي غادي يزيد يعقد الوقاية منو. 
واعلنت الحكومة الصينية انها اتخذت اجراءات وقائية باش ما يتنشرش وفرضات قيود علي السفر بين المدن اللي فيها هاد الفيروس. فمن الاحد اللي فات ما بقاش ممسوح للطونوبيلات يدخلو لهاد المدينة اللي كيسكنها 11 مليون نسمة

وكانت جريدة الشعب كتبت انه سيتم بناء مستشفى طوارئ فجوج سيمانات لعلاج 1300 مريض. الصين جابت حتى الجيش باش يواجه هاد الوباء.