كود سبور//
كايسعى سعيد الناصيري رئيس المكتب المديري للوداد الرياضي لخلق فريق نسوي قوي فالمغرب، ويمشي فالمسيرة ديال فريق الذكور ويشرف النادي والمغرب وطنيا وقاريا.
سعيد الناصري ما عندوش نية يكون فريق الوداد سيدات غير بالسمية، أو أنه يدير الخاطر للشروط ديال الجامعة الملكية المغربية لكرة القدم ومن ضمنها خلق فريق نسوي داخل الأندية الوطنية، بل عكس ذلك الناصيري عندو رغبة يصنع فريق سيدات كيتوج بالألقاب.
والمؤشرات اللي كتأكد هادشي هو أن رئيس المكتب المديري ديال الواك، اختار إطار وطني مجرب للإشراف على الفريق النسوي للوداد الرياضي، وقام بتعيين عبد الله هيدامو المدرب السابق لفريق الجيش الملكي سيدات واللي سبق له حقق إنجاز غير مسبوق فكرة القدم المغربية للسيدات بالوصول مع الفريق النسوي للجيش الملكي للمركز الثالث فاخر نسخة من دوري أبطال إفريقيا.
فريق الوداد سيدات عندو قيمة كبيرة عند سعيد الناصيري وهادشي أكد عليه فالندوة الصحافية اللي قدم فيها عبد الله هيدامو، رفقة الطاقم التقني الجديد ديال الفريق الأول اللي كيشرف عليه الحسين عموتة.
