كود طنجة ////

قال معاد حجي المنسق العام لماتش البارصا ضد اشبيلية الاحد اللي فات بطنجة ل”كود” انه طلب من مدير الملعب جمع كافة المعطيات بخصوص دخول هادا الشخص للمنصة الشرفية وجر ميسي باش خدا الكاس.

المسؤول اكد ل”كود” ان “الاجراءات الامنية كلها كانت مزيرة” وعليه “فكاميرات المراقبة بوحدها غادية تحدد كيفاش وصل هاداك تماك بحالو بحال غيرو”

المسؤول قال ل”كود” “دابا غير فرضيات يمكن يكون دخل بدعوة شي حد. راه حتى نور الدين البوشحاتي =الرئيس السابق لشباب الريف الحسيمي والعضو الجامعي= ما كانتش بلاصتو هاديك.

البوشحاتي قال ل”كود” في تصريح سابق انه حصل على دعوة من الجامعة. لكن المنسق العام اكد ان المنصة الشرفية ما كانش فيها.

معاد حجي اكد ل”كود” انه اتبع منذ البداية اجراءات صارمة وبروطوكول واضح بخصوص من لهم الحق ولوج المنصة الشرفية

وكانت “كود” كشفت عن اسم هاد الشخص. يتعلق الامر بتاجر يصدر الخضر من عين عتيق، يعشق البارصا وديما تابعها