نجوى المالحي-كود//

الممثلة المغربية ماجدة زبيطة حطات صور وفيديوهات صادمة بعدما تعرضات هي ومجموعة من الطونوبيلات لحادثة سير بسبب عاصفة رملية في الطريق بين وجدة وگرسيف.

العاصفة تسببات في توقف حركة السير والسما ولات كحلة، والطونوبيلات تساطحو مع بعضياتهم .

التبركيكة لي جابت “كود” أن ماجدة كانت شادة الطريق من القنيطرة لوجدة مع الفرقة ديالها باش يقدمو عرض مسرحي، ولولا الزهر لكانت النتيجة مأساوية.

الممثلة فقدات الوعي بعدما تضرب ليها وجهها مع الفولون ديال الطونوبيل، وملي سترجعات الوعي حطات صور وفيديوهات في حسابها على انستگرام كيبينو الحالة الجوية لي كانت فيها الطريق والخسائر المادية المسجلة.