نجوى المالحي-كود//
كل واحد في المشاهير كيحاول يدوز الميساجات بالطريقة لي كتناسبو وكتمثلو. المغنية خولة مجاهد حطات تصويرة معنقة راجلها وكتبات “مبقاتش في لون البشرة.. ولكن في الحب”، فإشارة للعنصرية، حيت هي حديث الساعة مع كورونا في العالم.
جمال هاد الكوبل مختلف، خولة مجاهد سمرا وهو بيض، وبجوجهم جاو مع بعضياتهم وكل واحد كيكمل الاخر.
خولة لي اختارت يولي اسمها الفني “جيلان” عاشت قصة حب طويلة مع راجلها الملقب ب”بيتهوفن” وكان ديما معاها في نجاحاتها من هادي 6 سنين، لكن عمرها بغات تدوي على قصتهم حتى تزوجو ودابا كيعيشو الحب علانية.
