عفراء علوي محمدي- كود//
اللجنة العلمية للتلقيح ضد فيروس كورونا في المغرب كتتدارس إمكانية إضافة جرعة ثالثة للناس اللي عندهم عوامل اختطار، بحال اللي عندهم أمراض مزمنة، أو الناس الكبار، أو غيرهم.
واللجنة مازال دايرة البحث ديالها فالقضية، ولحد الساعة مازال ماحددات عدد الناس اللي ممكن ياخدو هذ الجرعة الثالثة، لكن غدير تدير تقدير، وغتعلن من بعد وزارة الصحة على ليست الاشخاص المستهدفين، اللي هوما فالغالب اللي كيعانيو من أمراض مزمنة كتضعف المناعة، وشنو الترتيبات اللي خاصهم يديرو باش يستفدو من هذ الجرعة الإضافية.
وشي بلدان ديجا تبناو هذ القضية، منهم فرانسا اللي ولات كتعطي الجرعة الثالثة ديال اللقاح، ولكن غير للناس اللي عندهم نقص كبير فالمناعة، وحتى فإسرائيل كتعطى الجرعة الثالثة للناس اللي عندهم السرطان.
