ممثل تركي مشهور شرا مدرسة وريبها.. نتاقم من المعلمين لي كانو كيضربوه ملي كان صغير
كود هناء ابو علي ////
يتوقع ان يدشن الملك محمد السادس الخميس اللي جاي ميناء طنجة المتوسط في حلته الجديدة. التوسيعات اللي عرفها غادية ترجع منو اكبر ميناء فافريقيا.
مشكلة تدشين هاد المشاريع دائما فالتواصل. شركات او اشخاص فالدولة كياخدو المارشي ديال التواصل وكيديرو فيه ما بغاو. مشاريع كبيرة المفروض خاص الدعوة تكون لوسائل الاعلام العمومية والخاصة اللي معترف بيها مع وسائل اعلام اجنبية. هاد الشي ما كاينش من مشروع نور” للطاقة واللي خداتو شركة طالعة واكلة نازلة واكلة كتخدم مع الداخلية ديما اللي مولاتها مريم ابيدزير مولات افون سين. دارت الاقصاء المتخلف لوسائل اعلام كبيرة.
هاد الشي وقع فمشروع “بوجو” فالقنيطرة اللي حضرو الملك. جابو اللي بغاو وعرضو على اللي بغاو. واكيد غادي يدار فتدشين الخميس المقبل.
مادام كياخدو المارشيات واخا خدمتهم عوجا علاش يعرضو على الصحافيين.