هناء ابو علي – كود//
المحاسبون المغاربة طالع ليهم الدم و غادي ديرو اعتصام قدام مدرسة ISCAE فالدار البيضا من العشرة د الصباح حتى الربعة د العشية حيث هي الجهة اللي تختارت من طرف الحكومة باش تدير امتحان كايعتبروه مهين ف حق قرابة 2400 محاسب و محاسبة.
وحسب تصريح المحاسب بمدينة اسفي السيد التهامي الوزاني ل”كود” فإن القانون 127/12 هو سبب هاد الحيف حيث غادي يحرم المقاولات المحاسباتية اللي كتشغل اكثر من 7000 مواطن و كتخدم لصالح اكثر من 120 الف مقاولة ف البلاد، غادي يحرمها من العمل ف اطار قانوني بسبب التعديلات الجديدة على المهنة و الشروط المفروضة و الا مادوزوش هاد الامتحان غادي يكونو مهددين بانتحال صفة..