وكالات //

قالت المانكان البريطانية كيت موس (Kate Moss) بللي السبب اللي خلاها تدافع على الممثل الميريكاني جوني ديب قدام المحكمة، فقضية التشهير اللي رفعها ضد طليقتو آمبر هيرد، هو “واجبها باش تكون صريحة وتقول الحقيقة”.

كيت موس (48 عام) كانت نكرات بللي جوني ديب (59 عام) دفعها فالدروج وطاحت، وقالت بللي طاحت بوحدها، وبالعكس هو اللي جا هزها وعيط على لومبيلونص واهتم بيها.

وكانت أمبر هيرد (36 عام) قالت بلي جوني ديب عندو سوابق وماضي خايب فالعنف مع صحاباتو القدام، وضربات المثل بأنه دفع المانكان كيت موس من الدروج، وهادشي خلا موس تخرج ترد وتنكر هاد الاتهامات.

و كانت كيت موس مصاحبة مع جوني ديب فالفترة بين 1994 و 1998.