نجوى المالحي-كود//
البارح الكوميدي حمزة الفيلالي مشا هو مراتو هند العلمي لسطاد دونور باش يتفرجو في ماتش الرجا مع ريال بيتيس الاسباني. العضو السابق ديال “ايموراجي” ضرب التوني الخضر هو ومراتو ونشطو مزيان مع جمهور المكَانة.
ونزل حمزة لوسط التيران وغنا مع الجمهور لي كان بالآلاف وكانت أصواتهم واحدة، وهو نقز ونشط معاهم على كلمات أغانيهم.
وحط الفيلالي فيديو كيوثق للفرحة ديالو وكتب “احساس لا يوصف”. الفيديو تشاف 170 ألف مرة في 10 ديال السوايع.
