كود احمد الطيب الرباط ///

الابناك المغربية دارت لقوالب. وفية لتقوليب المواطنين واخا كاينة الجايحة ديال “كورونا فيروس”. لحسن الحظ ماشي كاع الابناك. القرض الفلاحي كان استثناء.

حسب رجل اعمال ل”كود” ومستثمر فالفلاحة وفقطاعات خرى “القرض الفلاحي بوحدو خدام. هاد الشي علاش اليوم الاثنين الجمعيات الفلاحية غادية دير ليه رسالة شكر. ساعد الفلاح الصغير والفلاح المتوسط وكبار الفلاحين” يوضح مصدر “كود”

بنك دار خدمتو وكثر يشدد المصدر “كود” ودار سياسة استباقية مع وضعية غير مسبوقة. الجفاف مع “كورونا فيروس”.

القرض الفلاحي كانت بتشاور مع وزارة الفلاحة والصيد البحري دارت تدابير كثيرة فهاد الفترة. خصصات “غلاف مالي إضافي للقروض بقيمة 1,5 مليار درهم”. 

هاد البنك قرر يعيد “جدولة مديونية الفلاحين بالنسبة للاستحقاقات المقبلة، وتكوين عمليات استيراد القمح والأعلاف من طرف الشركات المستوردة ومنح تسهيلات لعمليات استيراد القمح والأعلاف”

وخصص “ا500 مليون درهم موجهة للحفاظ على الكسيبة، والتمكن من شراء العلف والشعير، و600 مليون درهم مخصصة لتمويل الزراعات والفلاحة الربيعية وصيانتها (الخضر، الدرة، نوارة الشمس، البطيخ، الدلاح…)، 400 مليون درهم من أجل تمويل وصيانة الأشجار المثمرة والسقي شراء الأسمدة والأدوية المتعلقة بالنباتات.

البنك الوحيد اللي كان مضوي مقارنة مع الابناك لخرى اللي دايرة بحال المنشار طالعة واكلة نازلة واكلة