عفراء علوي محمدي- كود//

فهذ الفترة اللي مابقاو فيها لا سهرات لا سينما لا مسرح، من بعد الإعلان على حالة الطوارئ الصحية بسبب جايحة فيروس “كورونا” فالمغرب، المركز السينمائي المغربي غادي يبث سلسلة ديال الأفلام الطويلة فالموقع الإلكتروني ديالو، ابتداء من غدا الثلاثاء مع الربعة دالعشية.

المركز غايخصص ليست ديال 25 فيلم، منهم الجداد والقدام، موجودين فصيغة إلكترونيةد ومرتبين على حساب لحروف، وممكن يتم المشاهدة ديالهم فأي وقت، للمغاربة اللي مقيمين فالمغرب أو برا المغرب.

وللإشارة، كان المركز السينمائي المغربي ستهم فالصندوق الخاص بتدبير جايح كورونا، بحيت ساهم المدير والكاتب العام للمركز براتب شهر في هذا الصندوق، وساهمات جمعية الأعمال الاجتماعية للمركز بمبلغ مائة مليون سنتيم.