ممثل تركي مشهور شرا مدرسة وريبها.. نتاقم من المعلمين لي كانو كيضربوه ملي كان صغير
علي الصافي العيون ////
الاحد 2 ماي كان بنعرفة فكلميم. تلاقى مع اللجنة الجهوية الموسعة لحزب العدالة والتنمية بجهة كلميم وادي نون واطر هاد اللقاء الامين العام للحزب اللي هو رئيس الحكومة. بعد هاد اللقاء اللي هدرو فيه على الحزب وانتخابات 2021 التشريعية والبلدية…. كان لقاء مصغر. حضروه شي 20 شخص وفق مصادر “كود”.
فهاد اللقاء بنعرفة تطلق ليه اللسان. وفق مصدر ل”كود” سولو قيادي من المصباح فجهة كلميم واد النون على واش الحزب تفاوض مع الدولة على قضية تقليص المشاركة ولا اللا.
هنا عند “كود” روايتين. الاولى كتقول باللي المح لوجود تفاوض مع الدولة من خلال عبارة “تناقشنا معاهم على التقليص”. واضاف وفق مصدر “كود” باللي هاد الشي “ما وصلنا فيه لحتى حل”. واضاف انو كان كيقلب على شي حل ولكن فرض القاسم الانتخابي خربق كلشي. دابا هدف الحزب يجي اللول
لكن قياديا اخر فالحزب نفى ل”كود” ان يكون العثماني جبد “تناقشنا معاهم =اي الدولة= على التقليص وشدد فتصريحو ل”كود” ان الامين العام بالعكس قال “لم يتفاوض مع اي واحد” ثم اضاف ان مسؤولا محليا الح على السؤال اكثر من مرة على الموضوع وان العثماني بقى كلامو عام فضفاض
هاد القضية ديال تقليص المشاركة كانت جات باقتراح من مصطفى الرميد وزير الدولة المكلف بحقوق الانسان والعلاقات مع البرلمان والقيادي فالحزب. الاقتراح كيف قدمو كان كيقضي ان يطرح الامين العام الفكرة على نقاش حزبي واسع فكاع الجهات. وفق قيادي ل”كود” فان الامين العام رفض هاد الشي وقال ليهم ماشي فين ما كان تقليص يلصقوه ليه٫ في اشارة الى تقليص الحزب لمشاركته ف2003 البلدية. كان حينها الامين العام هو سعد الدين العثماني.
رئيس الحكومة الامين العام للحزب وفق نفس المصدر ل”كود” اكد ان هدفو يغطي ماشي غير الدوائر التشريعية بل جميع الدوائر البلدية باش يربح الانتخابات
فهاد الاجتماع عطى الامين العام للحزب فتوى لصحابو. هدر على خالد بن الوليد اللي كان قتل بزافت المسلمين وباش سلم رجعو الرسول قائد رغم معارضة عمر بن الخطاب وابو بكر الصديق. هاد الشي باش يقول لناس حزبو “اليوم ما يمكنش تقولو لي هادا ما نهدروش معاه. خاصكم تكونو فالتسيير. قوتنا فالتسيير”.