نجوى المالحي -كود//
البارح رجعات الشطاحة مايا تدوي على الموضوع لي نوض عليها الصدع، ولي دوات فيه على الدين والجوامع والخنز والعلمانية في المغرب.
في الستوريات البارح بانت مايا بطريقة مبدلة على الجهد لي كانت به في الأول، وقالت أن الموضوع مشا بعيد وخدا تأويلات ماشي حتى لهيه.
المزابية وللمرة الثالثة قالت أنها كتطلب السماحة من كل مغربي ضراتو الهضرة لي قالت، وأكدات أنه للاسف الناس ماكيرحموش وماكيفهموش وسبوها بطريقة خايبة بزاف والأمر أثر فيها.
مايا قالت مغاديش تزيد تعاود تدوي أو تعتذر لأنها اعتذرت جوج مرات وهادي الثالثة والأخيرة، وهي دوات بدافع الغيرة والفقصة على بلادها وماكانش الهدف نهائيا تقلل من اي واحد.
