كود سبور//

دارت مجموعة من عائلات اللعابا ديال المنتخب الوطني المغربي زيارة لبعثة ليكيب ناسيونال البارح الخميس، باش يرفعو من معنويات ولادهم ويهزو لهم المورال قبل ماتش بلجيكا فالجولة الثانية من كأس العالم قطر 2022.

الطاقم التقني ديال المنتخب الوطني المغربي بقيادة وليد الركراكي والتشاور مع الجامعة بادرو وعيطو لعائلات اللعابا وصحابهم اللي كاينين فقطر باش يزورهم مكافأة لهم على الماتش الكبير اللي دارو ضد كرواتيا، وباش يهزو لهم المورال، ويزيرد ويقويوهم.

ويواصل المنتخب الوطني المغربي الاستعدادات ديالو لماتش بلجيكا اللي غادي يتلعب الويكاند الجاي، وغادي يدير حصة تدريبية الجمعة غادي يشارك فيها كلشي إلا نصير مزراوي وأشرف حكيمي اللي ما غادي يكون مسموح لهم بالمشاركة حتى يشوفهم طبيب