26/04/2024 18:45
شوهة وضربة لميناء المتوسط. الخزيرات شدات 25 طن دلحشيش ودازت من الديوانا. واش كاين شي كومليس ولا ثغرة خاصو يطيرو فيها ريوس
كود سبور//
عبر الناخب الوطني وليد الركراكي على رضاه بتعادل المنتخب الوطني المغربي مع منتخب البيرو اليوم الثلاثاء، خلال المباراة الودية اللي العاب بإسبانيا.
— Équipe du Maroc (@EnMaroc) March 28, 2023
وقال وليد الركراكي خلال الندوة الصحافية بعد ماتش المغرب والبيرو: “الماتش مكانش ساهل، منتخب البيرو داو بون ماتش خصوصا دفاعيا وكانوا واقفين لعبو بخمسة اللاعبين اللور ما خلاوش لينا بزاف د المساحات”.
وزاد وضح الركراكي: “فالشوط الأول كنا فالمستوى ديالنا طلعنا الريتم ودخلنا بزاف للكاري والفشوط الثاني كان ماتش آخر جاو البيو عندنا وبداو يضغطو علينا وعذبونا شويا دوزنا ربع او ثلث ساعة تقريبا شويا معقدة ولكن ما وصلوش للشبكة”.
وكمل الركراكي: “من بعد التغييرات كنا باغيين نمشيو نماركيو، الطرد ديال سفيان بوفال ما عوناش ولكن انا راضي على الماتش فالصراحة، وكنت باغي نشوف اللاعبين الاحتياطيين فحال زرزوري وبو خلال وهادشي ميزان للمستقبل باش نشوفو الإمكانيات ديالنا”.
