27/04/2024 01:00
ممثل تركي مشهور شرا مدرسة وريبها.. نتاقم من المعلمين لي كانو كيضربوه ملي كان صغير
جمال بناصر – كود//
الجدارمية ديال أمسكروض شدوا مقدم متلبس و هو كايشد 3000 درهم رشوة من واحد كان باغي يبني دارو لكن المقدم دار ليه العصى ف الرويضة.
المعني بالامر ما لقى تا حل باش يوقف المقدم عند حدو غير انه يتصل بالرقم الاخضر اللي دارتو النيابة العامة للتبليغ عن جرائم الرشوة.
و بناء عليه اصدر الوكيل العام ديال اكادير تعليماته للمركز القضائي لامسكروض باش يديرو كمين لعون السلطة المذكور من اجل ضبطه متلبسا بالمنسوب اليه و هو ما انتهى بوقوع المقدم ف الفخ اللي غادي يلحق على موظف الوكالة الخضرية ديال اكادير اللي طيحو تا هو الرقم الاخضر فيد لابيجي متلبس بتلقي مبلغ ديال الرشوة.
