26/04/2024 12:33
“كود” تلاقات البگرة اللي ربحات لقب اكبر حلابة. كتعطي 60 ايطرو فالنهار واللي جات الثانية. بجوج ما عندهم سمية وحدة رودانية ولخرى حمداوية
كود سبور//
تراجع الرشاد البرنوصي على قرار السماح للإطار الوطني يوسف روسي بمواصلة الخدمة ديالو مع الفريق، من بعدما توصل بما يؤكد له أنه صدر فحقو قرار من الإتحاد الإفريقي لكرة القدم بالمنع ديالو من التدريب لمدة طويلة.
الرشاد البرنوصي الممارس فقسم الهواة تلقى اليوم الخميس مراسلة من الجامعة الملكية المغربية لكرة القدم والعصبة الوطنية لكرة القدم هواة، بخصوص توقيف المدرب يوسف روسي، واللي صدرت فالحق ديالو عقوبة قاسية بالحرمان من مزاولة أي نشاط فكرة القدم لمدة 5 سنوات.
وقرر المكتب المديري للرشاد البرنوصي يعقد اليوم الخميس اجتماع مع المدرب يوسف روسي لدراسة الموضوع، واتخاد القرار واللي غالبا غيكون الانفصال ما بين الطرفين.
وكان الرشاد البرنوصي قرر فوقت سابق يخلي المدرب يوسف روسي خدام فالمهام ديالو، وذلك بداعي عدم التوصل بأي مراسلة من الإتحاد الإفريقي لكرة القدم أو أي جهاز كروي كتأكد صدور قرار بتوقيق يوسف روسي لمدة 5 سنوات، بسبب تزوير ديبلوم تدريب “A”.
