الرئيسية > آراء > الحقيقة لي كايرفضوها بزاف د الرجال انه كاينين رجال فحالهم طوال عراض بموسطاشاتهم بمناصبهم بقرايتهم و”سومي” ! كايبغيو المرا تعفط عليهم و كايظلو يسيفطو للبنات فالانبكس ” بغيت نولي كلبك و نقوليك هاو هاو”! هاد الناس راه خاص نحتارمو الميول الجنسي ديالهم و ماشي فين مامشاو نضربوهم بالبيض!
07/05/2021 16:00 آراء

الحقيقة لي كايرفضوها بزاف د الرجال انه كاينين رجال فحالهم طوال عراض بموسطاشاتهم بمناصبهم بقرايتهم و”سومي” ! كايبغيو المرا تعفط عليهم و كايظلو يسيفطو للبنات فالانبكس ” بغيت نولي كلبك و نقوليك هاو هاو”! هاد الناس راه خاص نحتارمو الميول الجنسي ديالهم و ماشي فين مامشاو نضربوهم بالبيض!

الحقيقة لي كايرفضوها بزاف د الرجال انه كاينين رجال فحالهم طوال عراض بموسطاشاتهم بمناصبهم بقرايتهم و”سومي” ! كايبغيو المرا تعفط عليهم و كايظلو يسيفطو للبنات فالانبكس ” بغيت نولي كلبك و نقوليك هاو هاو”! هاد الناس راه خاص نحتارمو الميول الجنسي ديالهم و ماشي فين مامشاو نضربوهم بالبيض!

سهام البارودي – كود//

البنات لي عندهم كونط فايسبوك غايكونو ولو مرة وحدة فحياتهم وصلهم ميساج من مجهول فيه ” بغيت نولي كلبك و نقوليك لالة” ! معروفين هاد الميساجات و كاينين مواليهم ! و مواليهم ماشي بالضرورة “گوامل” كيما كايصحاب لعباد الله ! لا ! ماليهم كاتلقاهم رجال طوال عراض بشلاغمهم كايبغيو العيالات و ماعندهمش مع المسوس و لكن هادا هوا الهيت ديالهم ! هادا هوا الميول ديالهم! كايبغيو تعاملهم المرا بإذلال ! كايجيب البليزير ديالو لاركع على ركبتو و عايراتو و صرفقاتو و عطاتو رجليها يلحسهم ليها و طبعا هادشي كايكون بالتراضي بين الطرفين.

واحد الصديقة ديالي كاتخدم ايسكورط فواحد الدولة اوروبية قالت ليا بأنه اكثر من ستين فلميا د الرجال لي كاتلاقا معاهم من هاد النوع و انهم كايلتاجؤوا للخدمات ديال ليسكورط حيت ماكايقدروش يعيشو الميول ديالهم بشكل طبيعي مع زوجاتهم او صحاباتهم حيت تا فأوروبا و ميريكان مازال الناس كايشوفو فهاد الميول شوفة ناقصة ! و لي مهم فهاد القضية انه الرجال لي كاتلاقا بيهم راهم “رجال” بديك الصورة لي كايتخايل اي واحد ! طوال ! صحاح ! زوينين ! عندهم السيكسي مع العيالات و عندهم مناصب كبيرة فيهم مهندسين و اطباء و ديبلوماسيين و دكاترة جامعيين و لكن هاداك هوا الهيت ديالهم ! كايبغيو يلحسو ليها رجليها و كايبغيوها تدفل عليهم و تصرفقهم و شي مرات تبول عليهم اثناء الممارسة عاد كايعجبهم الحال.

كاينين بزاف ديال الرجال فحال هاكا فالمغرب ولكن كايحشمو يعبرو على الميول ديالهم قدام عيالاتهم و صحاباتهم و صحابهم داكشي علاش كايبقاو مخبيين و كايسيفطو ميساجات فالانبكس للبنات ” بغيت نولي كلبك ” ” نقوليك هاو هاو ” ” نتي لالة ” و المشكل الكبير انه المجتمع قاسي بزاف عليهم ! ايوا شنو حنا اصلا عندنا مشكل مع الراجل يبكي ! شوف هذا غي البكاء لي مسألة طبيعية فالانسان ! كاتلقى الدري صغير كايبكي و باه حداه راسو قد الطارو كايقوليه ” ماتبكيش نتا راجل الرجال ماكايبكيوش” ” يا على مريوة كايبكي ” ! الدري لابكا كايتقمع فماااااااا بالك بأنه يكون عندو ميول للخضوع و الاذلال من طرف المرا صافي هاداك بالنسبة لبزاف د الناس ماكرهوهش يموت حيت خسر ديك الصورة ديال الذكر القوي بوموسطاش.

“طيحتي الذل” على الرجال ! هاد الجملة سمعتها مؤخرا بزاف فالقصة ديال نزار السبيتي و ندى حاسي ! لي ناض دار ڤيديو كايقوليه ” نزار طيحتي الذل على الرجال” فحالا گاااااع الرجال فحال فحال و گااااع الرجال مفروض عليهم يكون عندهم نفس الميولات و الشهوات الجنسية و الراجل لي راجل هوا لي كايكون فوق المرا ماشي تحت منها ! في حين كايبان ليا بلي نزار السبيتي مرتاح فعلاقتو مع مراتو و كايبوس ليها رجليها و يديها بخاطرو و هوا عاجبو الحال …

من حقو اذن يمارس الميول ديالو بلا مايتشير عليه بالبيض فالمدينة لي مشا ليها حيت وي ! الماسك د البيض مزيان للشعر و اكيد غايكون قوا ليه شعرو دابا بگاع داك البيض لي جاه للقلقولة ولكن اوميمطون كلنا عارفين بلي كاينين بزاف ديال الرجال ماكرهوش يكونو بلاصتو و شي مرا تعفط عليهم و تصرفقهم و تذللهم برضاهم باش يجيبو البليزير ديالهم.

موضوعات أخرى

19/03/2024 09:30

عدد السكان اللي بالغين لسن النشاط (15 عام والفوق) فات فبلادنا 27 مليون شخص.. مندوبية التخطيط: 63,5 فالمية ساكنين فالوسط الحضري

19/03/2024 08:00

بن عبو لـ”كود”: موجة حر استثنائية فبلادنا وهاد السيناريو المناخي كيزيد تطرفا عام بعد عام وهادشي يؤكد أن الصيف الجاي غادي يكون حار وجاف وصعيب

19/03/2024 05:00

جورنال “الدايلي مايل ” بغا يحبس الشائعات لي كتسركل على الأميرة كيت: شهود شافوها كتدور مع راجلها وولادها