نجوى المالحي- كود//

رغم الحملات التوعوية لي دايرينها بزاف ديال الناس على مواقع التواصل الاجتماعي مازال الواقع ما فاق بحقيقة الفيروس المتربص بالبلاد ومازال كيستاهنو ببزاف ديال الأمور لي ممكن تأدي لعواقب لا يحمد عقباها.

هادشي لي قالت الراقصة مايا ولي نقلات لينا الوضع في المنطقة لي ساكنة فيها بأنه الناس باقين ما واعيينش بخطورة الفيروس واخا الحملات التوعوية لي دايراها السلطات والحكومة والمسؤوليين وأيضا المواطنين على مواقع التواصل الاجتماعي وفالواقع.

مايا هضرات طالع ليها الدم وقالت أنه الناس ما كايناش في هاد العالم وخارجة ما واخداش الاحتياط ديالها من كورونا واخة سمعو الهضرة بجميع الطرق وطلبات من الناس يديرو الاحتياط ديالهم قبل ما يفوت الفوت.