كود الداخلة //
التنظيم فكرانس موانتانا هاد العام مخربق بزاف، والطرانسبور مقابلو غير البراني باش ياخذ نظرة زوينة على التنظيم ويكون راضي اعليه.
هاد الأوامر لي كتعطيهم الجهات المنظمة للمشرفين ديالها، فيهم إقصاء كبير لأبناء الأقاليم الجنوبية، لي ماعندهم حتى دور فهاد التظاهرة العالمية لي منظمة فمدينتهم، وباش حتى هوما ايفرحوا ويساعدو فإنجاحها بطريقة تشرف البلاد، ولكن للأسف جل المشرفين جابوهم من الشمال وماكيعرفوش حتى يتواصلو مع ناس الصحرا.
من جهة أخرى، تشكاو مجموعة من أبناء الداخلة والعيون أصحاب شركات كراء السيارات فالصحرا، من التهميش لي طالهم من الجهات المنظمة لي ماعندهاش فالقاموس ديالها عبارة “نجشعوا أبناء المنطقة”، وجابو السيارات غير من كازا والرباط، رغم أن الوفود لي جاية لهاد التظاهرة كتقارب 5000 مشارك.