الرئيسية > كود-تيفي > الجمهور هجم والكَريساج مابغاه حد.. ناس مهرجان البولفار فكازا عاشو ساعة فالجحيم
30/09/2022 20:45 كود-تيفي

الجمهور هجم والكَريساج مابغاه حد.. ناس مهرجان البولفار فكازا عاشو ساعة فالجحيم

الجمهور هجم والكَريساج مابغاه حد.. ناس مهرجان البولفار فكازا عاشو ساعة فالجحيم

كازا كود//

جمهور البولفار عاش اليوم الجمعة واحد الرعب خيالي بعدما جا عدد كبير ديال المحبين ديال الراب وتحول ملعب الراسينكَ البيضاوي بحال شي حلبة كلشي خايف وهربان توقع ليه ش مصيبة.

لي كانو المنظمين خايفين منو في البولفار هاد العام وقع. دابا كلشي حاط يدو على قلبو وباغين هاد ليلة دوز بسلام بلاما طيح شي روح ويولي الاحتفال بالموسيقى كارثة.

كيفما عاين موقع كَود، الأمور كانت ما بين 5 و8 مزيانة والأمور تحت سيطرة. كلشي ناشط ومستمتع بالمهرجان لي رجع من بعد عامين ديال الغياب. في 8 وربع طلع الرابور لمورفين وهي تشبك ديال بصح، جاو ناس بزاف وولاو كنقزو الحيوط باش يطلعو التريبون وجلسو يتفرجو.

الصحافيين والناس عاشو ساعة في الجحيم حيت البيبان كاملة كانت مسدودة. كين لي شاف الموت بعينيه حيت كلشي محبوس وسط فضاء لي بنادم كينقز ومبوق ومرفوع، وشفرة مبغاها حد، الكَريساج على عينك يا بن عدي.

كَود عاش هاد الرعب وشاف عيالات كيبكيو يقلبو على بناتهم وسط الجمهور. وفي عز هادشي تقطع الضو في صحاب الاسعاف، وكلشي ولا تالف والخوف هو لي كان مسيطر.

السؤال المطروح دابة واش غادي يستمر المهرجان في الويكاند. واش الناس اي زعمو يرجعو من بعد الخلعة لي عاشو

موضوعات أخرى

19/03/2024 08:00

بن عبو لـ”كود”: موجة حر استثنائية فبلادنا وهاد السيناريو المناخي كيزيد تطرفا عام بعد عام وهادشي يؤكد أن الصيف الجاي غادي يكون حار وجاف وصعيب

19/03/2024 05:00

جورنال “الدايلي مايل ” بغا يحبس الشائعات لي كتسركل على الأميرة كيت: شهود شافوها كتدور مع راجلها وولادها

19/03/2024 03:00

مرض نادر كينتاشر فالجابون بطريقة كتخلع.. والعلماء مقدروش يعرفو الأسباب ديالو