الرئيسية > كود سبور > البرتغال مشاو لها 2 لعابا قبل ما تلعب ضد المغرب
08/12/2022 10:09 كود سبور

البرتغال مشاو لها 2 لعابا قبل ما تلعب ضد المغرب

البرتغال مشاو لها 2 لعابا قبل ما تلعب ضد المغرب

كود سبور//

غادي يتحرم منتخب البرتغال من خدمات 2 من اللعابا المهمين فالماتش ديالو ضد المغرب السبت الجاي، ضمن ربع نهائي كأس العالم قطر 2022، واللي كان معول عليهم فهاد المونديال قبل ما يتوعتو له.

وتقرر يرجع كل الظهير الأيسر نونو مينديز والمدافع دانييلو بيريرا من معسكر منتخب البرتغال فقطر، قبل الماتش ضد المغرب، لفرفتهم باريس سان جيرمان ففرنسا باش يكملو العلاج ديالهم من بعدما تأكد بلي مستحيل يكملو كوب ديموند فجميع الحالات ولو توصل البرتغال للفينال.

وكان دانيلو حاضر فالمباراة الأولى ديال البرتغال مع غانا فالدور الأول من كأس العالم قطر 2022 وتوعت، ولعب نونو مينديز ضد أوروكواي فالماتش الثاني من نفس الدور وحتى هو توعت، ومن هداك الوقت هما كيتعالجو قبل ما يتبين بلي ما غاديش يبراو قبل ما يسالي كأس العالم.

موضوعات أخرى

19/03/2024 05:00

جورنال “الدايلي مايل ” بغا يحبس الشائعات لي كتسركل على الأميرة كيت: شهود شافوها كتدور مع راجلها وولادها

19/03/2024 03:00

مرض نادر كينتاشر فالجابون بطريقة كتخلع.. والعلماء مقدروش يعرفو الأسباب ديالو