كود كازا ////

دعا جهاد اوفارجي عضو المجلس الوطني لحزب الاستقلال وامين فرع سباتة فكازا الى مقاطعة الانتخابات بعمالة مقاطعة بنمسيك وبرر هاد الشي فتدوينة ليه علي الفايسبوك “مادام عماد =الاستعلامات العامة= استحمرنا 2016 لن نستحمر ف2021”.

واضاف فتدوينات اخرى ان مرشح التراكتور المحامي جداد بدا حملة سابقة لاوانها. دار اجتماعات فاق العدد المسموح به زمن الجايحة. مصادر “كود” هدرات على اكثر من 250 حضرو اجتماع. في فيديوات توصلات بهم “كود” كتبين باللي ما كاين لا تباعد لا مولاي بيه فاجتماعات هاد السيد

حسب ما نشره الاستقلالي اوفارجي فان هاد السيد تلاقى مع شي 30 جمعية وفرق كثر من 250 وجبة. هاد الاستقلالي خاطب ديال الاستعلامات العامة عماد “وا عماد ايلى التراكتور جاي گالس فالكرسي قولها لينا”

هاد المرشح كان تقدم لانتخابات 2015 و2016 التشريعية والبلدية ومن بعد مشى حتى خرج هاد ليام بقوة فيها خرج كبير ماشي غير لتدابير الحكومة للوقاية من الجايحة بل فيها حملة بدات اشهر كثيرة قبل ما تعلن رسميا