كود كازا ///

نشرت وكالة المغرب العربي للانباء تهنئة سيدنا للبطلة العالمية خديجة المرضي بمناسبة فوزها بالميدالية الذهبية لوزن 81 كلغ ضمن بطولة العالم للملاكمة اللي كاينة فنيودلهي بالهند.

سيدنا كتب ليها “وإننا لنشيد بما بذلته من جهود حثيثة لتحقيق هذا الإنجاز العالمي بكل جدارة واستحقاق، مجسدة بذلك الحضور المتألق للرياضة النسوية المغربية قاريا ودوليا”

وتمنى ليها متمنياتو “الصادقة لك بموصول التوفيق في مشوارك الرياضي، مشمولة بسابغ عطفنا ورضانا”

لكن هاد الرسالة مزيانة وكان يكون احسن بزاف واشادة فحق بطلة كبيرة بحالها كون الديوان الملكي عوض هاد الرسالة كان يكون اتصال هاتفي كيف وقع فحالات سابقة.

امثال البطلة المرضي محتاجة تحس براسها مدعومة من قبل اعلى سلطة فالبلاد والاتصال الهاتفي يعطيها هاد الثقة.

من المتوقع يعطيها وسام وتستاحقو ولكن اتصال من سيدنا بالمرضي فالهند كان يكون داعم لهاد البطلة اللي تقاتلت باش توصل لهاد المستوى