هناء ابو علي الرباط ////
الحدث الابرز سياسيا هو اجراء الانتخابات الجزئية اللي دارت الخميس اللي فات 14 شتنبر 2017. علاش؟ حقاش كتعطي صورة فين غادية لبلاد وحال السياسة فيها.
انتخابات ما فاتتش نسبة المشاركة فدائرتي سطات وتطوان اللي تعاودات فيهم الانتخابات٬ 6 بالمائة. اي ان ممثل الشعب فمجلس النواب كيمثل قل من 6 بالمائة من عدد المسجلين فاللوائح الانتخابية ولا بقينا نقلبو غادين نلقاو العدد الحقيقي اللي خاصهم يصوتو قل من 3 بالمائة.
شي وحدين غادين يقولو هاد النتيجة هي تأكيد لما جاء خطاب الملك فعيد العرش للي سب فيه الاحزاب السياسية. المشكلة اعمق بكثير من هاد الشي. المشكلة عندها علاقة بالقتل الرحيم للديموقراطية
اعمار عمدة تطوان ما حشم ما راعى وهو راكب فعمارية فرحان باسترجاع معقدو. السيد جاب فسبعة اكتوبر اكثر من عشرين الف صوت ودابا يالله وصل ل8 الاف. اييه ربح ولكن حزبو تراجع بشكل مخيف. ضيع شي 60 بالمائة من الاصوات. فسطات النتيجة كانت كارثية لحزبو اللي خسر وعاقبوه الناس كيفما عاقبو اللي ربح المعقد من البام.
صحاب البام حتى هما من غباءعم فرحو بالمقعد. حزب كياكل لعصا جات اوامر باش يتغير والبقية راكم عارفينها.
هاد الشي للي وصلات ليه البي جي دي نتيجة منطقية لما قام ويقوم به بنعرفة الحزب اللي تعين وفرح بمنصبو كرئيس للحكومة وهو عارف راسو ما متحكمش حتى فاقرب المقربين ليه. حزبو غادي ويتراجع فالشعبية ديالو. خيانتهم لابن كيران وظهور تيار الاستوزار اللي كيدافع على مصالحو كلشي خلى لمغاربة اللي تاقو فالحزب واحد لوقيتة يفقدو هاد الثقة بالمرة. برافو بنعرفة غادي بحزبك للحيط
