26/04/2024 17:56
انطلاق مؤتمر الاستقلال .. 3600 مؤتمر حاضرين لاختيار قيادة الميزان ورفيعة المنصوري جات بطموبيلة فاخرة وأكدت بلي مشكلتها مع مضيان اخلاقية ماشي سياسية
كود الرباط//
قال عزيز أخنوش رئيس الحكومة، اليوم الثلاثاء، :”استطعنا تدارك فقدان مليون شغل لي مشات خلال الازمة ديال كوفيد”، مضيفا :”ستة أشهر جاوبنا فيها على عدد من الاشكالات، ودرنا مقاربة غير كلاسيكية”.
وأضاف أخنوش، خلال جلسة الشهرية لمساءلة رئيس الحكومة بمجلس المستشارين، “لقينا مفارقة على مستوى الاستثمار، كنلقاو العائد الاقتصادي والنموي الاجتماعي ديال الاسثتمار الخاص ضعيف بزاف. لذلك درنا سياسة عمومية ماشي تدبير ملف بوحدو”.
ووعد رئيس الحكومة بالخروج من الأزمة الاقتصادية، مؤكدا بأن الحكومة موقفاتش المشاريع الكبرى ومضرباتش الاستثمارات لي فاتو، ولا نحيدو للفلاحة وباقي القطاعات.
وشدد المتحدث بلي خاصنا نمشيو فالاستثمارات الخارجية، ونصلحو هاد القطاع، مشيرا بلي الاقلاع الاقتصادي يحتاج لمجهود كبير لذلك “جبنا برنامج أوراش لي فيه شروط مهمة فحال التغطية الصحية والسميك، وهذا ماشي برنامج الدولة، هذا تعاون مع الجمعيات والتعاونيات لي قادرين يوفرو مناصب الشغل، وهادشي غايعطينا 100 ألف منصب شغل”.
