وكالات//

الملكة إليزابيث الثانية كانت متبعة نظام غذائي واحد مشات عليه لسنوات طويلة، وما كانش بالضرورة صحي، ولكن هي لي كانت كتحطو بتفاصيلو.

وكانت الملكة الراحلة كتاكل نفس الفطور لمدة 91 عام، اي مني كانت عندها 5 سنين، وكان ضروري يكون فيه اتاي البريطاني.

الطباخ الخاص بالملكة إليزابيث الثانية، دارين ماكغرادي، نشر فيديوهات على قناتو في اليوتيوب، وكتابو الخاص “تناول الطعام الملكي” كشف فيهم كيفاش الملكة كانت كتاكل.

الطباخ ماكغرادي، لي خدم في قصر باكنغهام ما بين 1982 إلى 1993، قال أن الملكة كانت كتبدا نهارها مع السبعة، وكتشرب اتاي بلا سكر وبيسكوي، ومع الثمنية ونص كتاكل حبوب الذرة من ماركتها المفضلة “Special K”، وطرف ديال الخبز بكوفيتير ديال الفريز لي مزروع في حديقة قلعة المورال في اسكتلندا.