كود كازا ///
البارح الصحافي السابق ف”اخبار اليوم” حمزة حبحوب كان مبلوكي فمطار باريس رواسيي شارل دو گول. الصحافي طلب اللجوء السياسي لبلاد الانوار وموحالش تشد ليه.
وفق احد زملائه السابقين ل”كود” فان حبحوب غادر الجريدة هادي عام ونص وانو كان زار اوربا هادي ستة اشهر. وعن سبب هاد الطلب قال زميله السابق ل”كود” باللي حمزة تعرض لحملة تشهير خايبة مع انطلاق قضية مدير نشر اليومية السابق الصحافي توفيق بوعشرين. شي جهات خرجات عليه تهم خايبة كتهم حياتو الشخصية وربطاتها ببوعشرين كاع يتذكر المصدر نفسه ل”كود”.
هاد الشي اثر فيه بزاف نفسيا. خلاه يغادر الجريدة ويعيش مشاكل كثيرة. هاد السبب هو اللي خلاه يطلب اللجوء السياسي.
فرانسا ما كانتش تعطي اللجوء السياسي بزاف للمغاربة غير هاد الشي غادي يتبدل مؤخرا. بدات كتقدمو لبعض الفئات منهم صحافيين.
