كود – مكتب فاس //
عبد المجيد الفاسي، ولد عباس الفاسي، داير هاد الأيام الحملة الانتخابية في الدائرة الانتخابية الشمالية (التشريعية)، وللأسف كيدور على الناس بلا كمامة بلا تباعد بلا احترام التدابير الاحترازية بحي الفتح بمنطقة زواغة.
عبد المجيد ماحتارمش داكشي اللي طالبات بيه وزارة الداخلية والصحة وضربو كامل فالزيرو. وماشي غير هو بوحدو اللي كايخرق هاد الاجراءات الاحترازية، ولكن كاين عدد كبير من المرشحين بإسم ألوان سياسية مختلفة ماكيلتازموش بالتعليمات الأخيرة للداخلية لمواجهة تفشي فيروس كورونا.
وكان عبد المجيد الفاسي قد عبر عن عزمه الترشح للانتخابات في فاس، واخا لم يسبق له أن حضر أية أنشطة لحزب الاستقلال بالمدينة، قبل أن تقرر اللجنة التنفيذية ولجنة الترشيحات بالحزب تزكيته في الانتخابات التشريعية بدائرة فاس الشمالية.