كمال لمريني – كود وجدة //
تصاب عدد من العمال ف جماعة زايو (إقليم الناظور) بفيروس “كورونا” المستجد، وهو الأمر اللي خلا المواطنين ك يتخوفوا من ولوج الجماعة لقضاء أغراضهم الإدارية، خشية تعرضهم للإصابة من الفيروس.
وذكرت مصادر ل”كود”، آن جوج د الموظفين تقاسو بالفيروس، في حين تقاسو جوج د العمال عرضيين، وهاد الشي اللي كيبين بللي المختلطين العدد نتاعهم كبير.
وحاولات “كود” انه يتواصل مع منتخبين ف الجماعة للحصول على معطيات دقيقة، غير انه متوفقش، ف حين كشفات مصادر مطلعة ان هناك تكتم شديد حول الموضوع، خاصة وانه ك يتم إخضاع باقي العمال للتحاليل.
جماعة زايو اللي ك تعرف توافد أعدد كبيرة من المواطنين لقضاء أغراضهم الإدارية، واش غا تكون تحولات لبؤرة د فيروس “كورونا”، خاصة وانه ك يتم بشكل يومي تسجيل الإصابات ف صفوف المواطنين حيت الرقم الإجمالي د الإصابات ف المدينة وصل لحوالي 802 د الحالات منذ ظهور الفيروس.
