وكالات-كود//

الملياردير الياباني المشهور يوساكو مايزاوا لي معروف بخسران الفلوس ومبرع راسو قرر يعطي 9 آلاف دولار أمريكي لألف شخص من متابعيه في تويتر في تجربة قال انها اجتماعية.

وبغى الملياردير، من خلال هاد التجربة يعرف واش الفلوس بدون مجهود كتحقق السعادة.

يوساكو كان عندو شرط واحد هو باش يختار لمن يعطي الفلوس، وهو أن المتابع يكون بارطاجا تويت ديال اللي كتب يوم 1 يناير الجارى.

وقال مايزاوا لي عندو 44 عام، أنه كيتمنى هاد التجربة تجذب اهتمام الأكاديميين وخبراء الاقتصاد.