نجوى المالحي-كود//

هبة أبوك لي عندها الجنسية الاسبانية وهي من أصول ليبية وتونسية، وحبيبة اللاعب الدولي المغربي أشرف حكيمي نشرات البارح الأربعاء تصويرة ديالها عريانة بينات فيها تفاصيل الحمل والأمومة.

الصورة كاملة أنوثة وجمال، وبانت فيها هبة فخورة بالحمل وبالجسد ديالها لي بدا كيشهد على عملية تحول كبيرة.

في بوسط هبة على انستكًرام، كاين في التعليقات بزاف ديال الحب والتشجيع وفي بعض الصفحات المغربية ماكاين غير الانتقادات والسبان فيها وفحكيمي من طرف المتخلفين حيت زعما عريانة .

والكلاخ خلا شي وحدين يمشيو لآخر تصويرة بوسطا حكيمي هادي سيمانة وكتبو ليه “واش في خبارك صاحبتك حطات تصويرتها عريانة” و”نت غير ز*** مخلي مراتك عريانة قدام العالم”، وبزاف ديال التعاليق في هاد الاتجاه.

مانعرفت فوقاش غادي يتعلم هاد الصنف من بنادم يدخل سوق راسو، ويفهم ان متشي كولشي عندو نفس الطريقة ديال التخمام، وان الانسان حر، يعري يلبس، يحيح يسكت، حياتو هاديك وحريتو.