كريم الصوفي – كود//
قالت تقارير اخبارية، أن مكتب المدعي العام ف محكمة سبتة غادي يطلب عقوبة سجنية مدتها 9 سنين ل جوج صبليونيين متهمين بجريمة تحريض على الكراهية والتمييز والتسبب ف جروح لضحية باستخدام أداة خطيرة. هاذ الصبلونيين ضربو قاصر مغربي بالقرطاس ف أحداث سبتة ونشرو الفيديو ف سوشيال ميديا.
وحسب التقارير ذاتها، جرات الواقعة ف 18 ماي الفايت خلال أحداث سبتة، وانتشر الفيديو ديالها عبر تطبيق الواتساب، قبل ما يتدخل البوليس ويكثف من التحريات ديالو
ويكشف هوية المتورطين ف الجريمة ويشدهم ويحجز كارابين عيار 5.5 ومنظار الزوم اللي تم استعمالهما في هاذ العمل الإجرامي.
الفيديو اللي انتشر عبر شبكات التواصل الاجتماعي وأدى إلى إثارة موجة من السخرية والاستنكار، كتسمع فيه الهضرة ديال هاذ العنصرييين خلال اطلاق قرطاسة عبر بندقية هواء مضغوط مع مشهد زوم من البالكون ديال شي دار. كيبان ف الفيديو الضحية غادي مع صحابو وسط “باسيو دي لا مارينا” قبل ما يگلس ف الارض بعد ما تصاب ب القرطاسة.
https://elfarodeceuta.es/piden-carcel-incitar-odio-grabaron-disparando-menor-marroqui
