كود كازا//

علن المكتب الوطني للمطارات على إجراءات جديدة خاص المغاربة اللي حاصلين برا يتقيدو بيها باش يرجعو لبلادهم.

ومن بين هذ الإجراءات، كيخص الحاصلين يعطيو مجموعة من الوثائق قبل الرحلة، ويعمرو شهادة شرف فيها معطيات عليهم، ويكونو دايرين اختبار PCR تخرج نتيجتو سلبية لاقل من 48 ساعة، وتكون عندهم رخصة الخروج من التراب المغربي اللي تعطات ليهم من وزارة الداخلية.

وبالإضافة لهذشي، كيخص العالقين يريزيرفيو عشريام فواحد من لوطيلات الستة اللي مخصصاهم السلطات المغربية للمغاربة للي حاصلين برا، فوحدة من الدول اللي معلق معاها المغرب الرحلات بسباب كورونا.

والمغرب معلق رحلاتو من وإلى كل من ألبانيا، بلغاريا، قبرص، إستونيا، هنغاريا، لاتفيا، ليتوانيا، لوكسمبورغ، مالطا، رومانيا، صربيا، سلوفاكيا، سلوفينيا، تونس، فرنسا، إسبانيا، مالي، غانا،  جمهورية الكونغو الديمقراطية، غينيا كوناكري، ليبيا، الأرجنتين، البوسنة والهرسك، بوتسوانا، الكاميرون، كرواتيا، موزمبيق، بولندا، النرويج، فنلندا، اليونان، لبنان، الكويت، الجزائر، مصر، إيطاليا، بلجيكا،  تركيا، سويسري، ألمانيا، هولندا، النمسا، البرتغال، السويد، أوكرانيا، جمهورية التشيك، أستراليا، أيرلندا، البرازيل، زيلاندا الجديدة، المملكة المتحدة، إفريقيا الجنوبية، والدنمارك والهند

باقي التفاصيل هنا:

https://m.facebook.com/story.php?story_fbid=845774732701137&id=113573412587943