عفراء علوي محمد- كود//
المغرب اليوم حطم الرقم القياسي فحالات الوفيات اليومية، بحيث ماتو 28 مغربي فظرف 24 ساعة فقط، وهكذا وصل مجموع المتوفين لـ584.
وقال المسؤول على قسم الطوارئ فوزارة الصحة، معاذ المرابط، أن توزيع الوفيات على المدن جا كما يلي: 8 فكازا، 5 فمراكش، 3 فكل من فاس وطنجة، 2 فالراشدية وورزازات، ووفاة وحدة فالرباط، سلا، الناظور، الحسيمة، وبوجدور.
بالنسبة للإصابات، اليوم سجل المغرب 1241 إصابة جديدة، 988 منهم تم اكتشافهم عن طريق تتبع المخالطين، وهكذا وصل الطوطال لـ37935، أي بمعدل إصابة تراكمي كيساوي 104,5 لكل 100 ألف نسمة.
والحالات كتتوزع على الجهات والأقاليم على النحو التالي:
كازا سطات 393: 331 كازا، 38 سطات، 7 النواصر، 5 المحمدية، 4 بمديونة والجديدة، 2 بنسليمان، 1 ببرشيد وسيدي بنور.
فاس مكناس 173: 64 فاس، 43 مكناس، 20 تازة، 15 صفرو، 14 تاونات، 10 الحاجب، 4 إفران، 3 بمولاي عقوب.
الرباط سلا القنيطرة 173: 47 تمارة، 40 الرباط، 36 سلا، 27 القنيطرة، 17 الخميسات، 6 سيدي قاسم.
مراكش آسفي 150: 130 مراكش، 8 الصويرة، 6 الرحامنة، 5 قلعة السراغنة، 1 الحوز.
طنجة تطوان الحسيمة 146: 96 طنجة، 43 تطوان، 5 المضيق الفنيدق، 1 بكل من العرايش وفحص الأنجرة.
درعة تافيلالت 75: 54 راشيدية، 11 ورزازات، 9 ميدلت، 1 تنغير.
بني ملال خنيفرة 54: 16 بخريبكَة، 14 آزيلال، 13 بني ملال، 9 الفقيه بنصالح، 2 خنيفرة.
الجهة الشرقية 32: 10 وجدة، 9 كرسيف، 4 الناظور، 4 فيكيك، 3 بركان، 1 جرادة والدريوش،
سوس ماسة 25: 16 أكَادير، 8 بإنزكَان، و1 بتزنيت.
كَلميم وادنون 6: 4 كَلميم، 2 آسا.
العيون الساقية الحمرا 7: 5 العيون، و2 ببوجدور.
الداخلة واد الذهب 7: بالداخلة.
بالنسبة لحالات الشفاء، تسجلات 1010، ووصل المجموع لـ26687، بنسبة تعافي ديال 70 فالمئة.
والحالات النشيطة بلغ عددها اليوم 10664 حالة، أي بمعدل 29,4 واحد لكل 100 ألف نسمة، أغلبها كاين فكل من كازا سطات وطنجة تطوان وفاس مكناس ومراكش آسفي، وحتى جهة الرباط سلا القنيطرة نسبة الحالات الجديدة بدات ترتفع فيها، بينما أقل الجهات اللي فيها اللي كيتعالجو من كورونا هي جهة العيون الساقية الحمرا وكَلميم واد نون (22 و21 على التوالي).
و156 من الحالات اللي كتعالج فحالة خطيرة، 85 منهم تحت التنفس الاصطناعي، وكيتواجدو 44 منهم فكازا سطات، و38 فمراكش آسفي، و31 فطنجة تطوان الحسيمة، و15 فالرباط سلا، و14 ففاس ومكناس، و5 فدرعة تافيلالت، و3 فسوس ماسة والجهة الشرقية، وحالة واحدة فكَلميم وادنون.
واليوم تستبعدات 20877 حالة إصابة بالفيروس، ووصل مجموع ل1500585 خرجات تحاليلهم سلبية.
