عفراء علوي محمدي- كود//

تفاديا لتحريف صيغة الوورد والتلاعب بالأرقام ديال الحصيلة اليومية، وزارة الصحة غادي تستغنى على إرسال هذ الصيغة للصحافيين، باش ميتمش تحريفها من طرف بعض قطاع الطرق وتزوير الأرقام وتضليل الناس.

وحسب مصدر من الوزارة ل”كود” فبعض الصحافيين، عن حسن نية، تداولو صيغة الوورد على أوسع نطاق، ونشرو الليان ديالها، وهذشي كاين يقدر يتسبب فمشكل، بحيث غيمكن تعدير الأرقام وتزويرها ونشرها بالصيغة الخاطئة، فالوثيقة اللي كتحمل لوكَو الوزارة، واعتبارها بالتالي وثيقة رسمية.

وبسباب هذشي قررات الوزارة أنها تنشر الأرقام الحديثة بالتفصيل فالبوابة الرسمية لفيروس كورونا، http://www.covidmaroc.ma/ ، واللي غتحين كول اليوم مع الستة دالعشية، ومن الموقع غيمكن للصحافيين يكوبيو ويكوليو المعلومات بسهولة ويدرجوها فموادهم الإخبارية، ماشي بحال الوورد اللي القابل للتعديل.