أسماء غربي-كود//

نايضة صباط وضريب المعاني بين الممثل يوسف أوزيلال المعروف بشخصية فاطمة تاويل والمغنية دنيا باطمة، ووصلات بيناتهم لدرجة السبان الخايب والتهديدات كاع.

القضية بدات ملي دوا يوسف على باطمة في برنامج “عندي ما يفيد” لي كيدوز في “تيلي ماروك”، وقال أنه مكيعرفهاش حيت هي طيراتو من الأفيش ديال شي عمل خيري، واضاف انها خبيثة ومامزياناش.

رد باطمة لم يتأخر، دارت فيديو في سناب قالت فيه “شي وحدين لي كيدويو بغيت نقول ليكم دزتو في وجه رمضان أما نشلظكم ونديركم شرمولة”. يوسف رد عليها البارح من بعد ساعات قليلة، وقال “أيام الله بحال بحال ولي خبيث راه خبيث طول العام وكون كنا نخافو من الدجاج كاعما نريشوه”.

هاد الفيلم ديال المعاطية باينة غادي يكون طويل حيت تلاقاو 2 ديال الناس لي حشيان الهضرة كيعطيوه 10 الـ 0.