ممثل تركي مشهور شرا مدرسة وريبها.. نتاقم من المعلمين لي كانو كيضربوه ملي كان صغير
كود كازا//
قرر المجلس الوطني للحزب المغربي الحر، طرد 4 أعضاء من المكتب السياسي، وكيتعلق الأمر بيوسف خوادر، وأنوار بن بوجمعة، والشريف بونان، ضمآن محمد.
قرار الطرد هذا جا من بعد ما قررو هذ الأعضاء، بالإضافة إلى 6 خرين من المكتب السياسي، واللي كيشكلو ب10 فمجموعهم أغلبية الأعضاء، (قررو) عزل الأمين العام إسحاق شارية من المنصب ديالو، ورفعو قرارهم مسني لوزير الداخلية عبد الوافي لفتيت.
وبالإضافة لهذشي، قرر المجلس، فدورتو العادية لبارح الجمعة، اللي كيتعتبر أعلى سلطة فالحزب، انتخاب أعضاء جدد بالمكتب السياسي بعد شغور بعض المناصب، طبقا للفصل 58 من القانون الأساسي، بالإضافة للمصادقة على قرارات المكتب السياسي فيما يتعلق بقبول الاستقالات.
وحسب بيان للمجلس، توصلات بيه “كود”، فالنصاب القانوني ديال الدورة اكتمل، مع حضور أغلبية الأعضاء، من منتخبين ومحافظين ومنسقين إقليميين.
فتعليقو على قرار المجلس الأخير، قال انور بن بوجمعة، رئيس الحركة التصحيحية وعضو المكتب السياسي اللي طردو شارية أن قرار الطرد ديالو ديال الأعضاء الثلاثة لخرين “غير قانوني” حيت “نصاب دورة المجلس السياسي غير مكتملة”، وأن “مساطر الطرد ماكتكونش هكذا، بحيث يتم استدعاء المعنيين بالأمر والاستماع إليهم، وتحديد أسباب الطرد”.
م
وزاد بن بوجمعة، فتصريحو ل”كود”، أن ثلثي (2/3) اعضاء المجلس الوطن، أغلبيتهم فكازا والأقاليم الجنوبية، واقفين مع الحركة التصحيحية ضد شارية، اللي وصفو ب”الامين العام المعزول”، ومع قرار عزلو اللي اتخذو المكتب السياسي بغالبية أعضاؤو، “وحنا غاديين فالطريق باش نديرو مؤتمر استثنائي مع تغيير قيادة جديدة”.
وصرح أن قرار عزل شارية تخاد بعد خرجاتو غير المحسوبة فحق رجال الدولة وبعض الوزراء وكذلك فحق أعضاء فالحزب، “وكانت الحركة التصحيحية نبهاتو فالمؤتمر الاستثنائي فالخميسات ومهلاتو 5 شهور باش يرجع للطريق”، حسب تعبيرو.
وقال انه مازال كيتواطأ مع المنسق الوطني السابق محمد زيان والقيادة السابقة، بحيث رفض يرجع ممتلكات الحزب من سيارة ومطبعة وغيرها، وولا كيشتغل بنفس الطريقة باش ميشتغل زيان، من سب وشتم فالمؤسسات وتزكية لنفس الاشخاص.
واعتبر بن بوجمعة أن اجتماع المجلس الوطني كان فضيحة، بحيث جاو أعضاء قلال، وأغلبيتهم ماشي اعضاء بالمجلس، كيف اجتمعو فبيت “واش اللي بغا يدير مجلس وطني كيجمع أعضاؤو فبيت؟ راه خصو يكري قاعة !! حنا اللي عندنا الاغلبية والقاعدة وكلشي، وهذي غير محاولة يائسة لدر الرناد في العيون والضغط النفسي، فيحين هو اللي كيعيش حالة من الارتباك هو ومن معه”.
وكشف بن بوجمعة ل”كود” أن المؤتمر الاستثنائي كيتم الإعداد ليه، وغالبا غيكون بعد 20 يوم على الاكثر.