سبور كود كازا ///

البدراوي مول الزبل اللي عا تا ولى رئيس الرجاء البيضاوي بكل تاريخو وشعبيتو٬ كيهيج فجماهير هاد النادي لكبيرة. وفق ما عملته “كود” فقد خبر الالتراس =الكورفا سود” فلقاء معاهم قبل ايام باللي النادي مازال ما توصلش بمنحة مجلس المدينة ولا حتى ديال الكاف اللي كتحول للجامعة وكتحولها للاندية.

هاد الرئيس اللي فشي شكل كان قال اكثر من مرة باللي غير بمداخيل الجمهور النادي ما عمرو يعيش ازمة وبعدها خرج كيقول باللي خسر جوج مليار وبعد بعد دار الصينية٬ فقرارات كتناقض كلشي كلامو٬ بغى بهاد الهدرة يهيج الجمهور على الجامعة وعلى مجلس المدينة.

طبعا الرد الاول جاه من المدينة. نائب عمدة الدار البيضاء عبد اللطيف الناصيري كشف على أنستغرام، استثناء الرجاء الرياضي من منحة دعم مجلس مدينة الدار البيضاء، وكذب جميع الإشاعات وقال: “ليس هناك أي تأخير في صرف منحة دعم مجلس جماعة الدار البيضاء لناديي الوداد والرجاء برسم سنة 2023”.

المسؤول البيضاوي أكد كذلك وقال: “أن الاتفاقية لا تلزم الجماعية لا تلزم الجماعة بأي أجال محدد حتى يقال أن هناك تأخير أو ما شابه ذلك، علما ان المجلس الجماعي صادق على اتفاقيتي الدعم للناديين في دورته العادية بتاريخ 22 فبراير 2023”.

نائب عمدة الدار البيضاء شدد على ضرورة: “قبل صرف المنحة لابد من توقيعهما من قبل الأطراف المعنية وإحالتهما للتوقيع والتأشير من طرف الوالي، لذلك لا ينبغي تصريف معلومات مغلوطة”.

وكيوضع رد عبد اللطيف الناصيري نائب رئيس مجلس الدار البيضاء، إدارة الرجاء الرياضي برئاسة عزيز البدراوي بموقف محرج بزاف، حيث ما خرج الأخير بحتى بلاغ يوضح فيه طريقة صرف المنحة للجماهير الرجاوية، ويوضح له شنو واقع فبلاصت ما يخليها غالطة وعرضة للمعلومات المغلوطة والتهييج ضد المسؤولين والمؤسسات.